السلاااام عليكم
اليوم جايبه لكم طريقه معكرونه بالباشميل
ومااافي احد مايحب البشميل
انا الي مستغربه منه اني يوم كنت صغيره ماحب البشميل واتضايق اذا حطوه ع المكرونيه
اما الحين استانس عليه خخخخخخ
ولان الاخ شارد من جديد طالبها يبينا نلحقه شكله متوهق خخخخخ
المقاديرمعكرونه اي نوع تفضلين اسلقيها عادي بماي وملح وصفيها
للحشوه:
بصل مفروم
طماطم مقطع
لحم مفروم
3 ملاعق صلصه طماطم
رشة فلفل اسود
رشة ليمون اسود ناشف
ملح
البيشاميل
5 ملاعق طحين
زيت
لتر حليب
3 ملاعق كبيره جبنة كاسات
بيضه ورشة فلفل وملح
الطريقه
حمري البصل في الزيت وضيفي اللحم وقلبيه لحد مايستوي و ضيفي الطماطم و قلبيها لحد ماتذوب وضيفي
الصلصه والبهارات .
حضري صينية فرن وحطي نصف كمية المعكرونه و بعدين فوقها الحشوه و حطي المكرونه الباقيه فوقها
سخني الزيت وضيفي الطحين قلبيه لحد ماتطلع ريحته بعدين ضيفي الحليب بالتدريج وحركيه مضرب الكيك
لحد ماتتفتت الكتل ويثقل قوامه
بعد ماتطفي النار ضيفي 3 ملاعق جبنة كاسات وحركيها بسرعه وضيفي البيضه واخلطيها زين
وصبي البيشاميل على المكرونه ودخليهااا الفرن و شغلي عليها الشوايه من فوق لحد مايحمر السطح ..
وراح يكون بهاذا الشكل
واذا حابين تحافضون على شكلها بعد ماتقطعونها خلوها بالصينيه لحد ماتفتر شوي وبعدين نزلوها بالصحن
عشان يكون شكلها مرتب وماتتبعثر معاكم
وبالهناء والعااافيه
ومحل مايسري يمري ^_^
نور
